ناقتـي ياناقتـي لاربـاع ولاسـديـس وصليني لابتي مـن وراء هـاك الطعـوس
|
حائلاً رابع سنه من خيار العيـس عيـس خفها لادرهمـت كنـه بالنـار محسـوس
|
في دجى خالي خلا لاحسيـس ولاونيـس تنوخذ من شدة البرد طقطقـة الظـروس
|
في عيوني يكفخ الطيـر ويطيـح الفريـس وانتهض جساس من دون خالته البسـوس
|
وفي خفوقي فرخ جنيتاً يضـرس ضريـس يوم اوردها هجوس واصدرهـا هجـوس
|
ديرتي دار ابن ضاري وابن غثلم جريـس ديرة اللي دوجوا في فيافـي نجـد جـوس
|
ديرتي يابنـت شيخـاً ومعدنهـا نفيـس عيطموسـاً دونهـا دثرتنـي عيطمـوس
|
جادلاً مطرق جسدها مع الغربـي يميـس طينتاً من تربـة الخلـد والـدم محمـوس
|
نقشت خمساً من الخمس في يوم الخميـس ليت شعري مـا ارادت بهـذا دختنـوس
|
كم تمنـا إن معـه مثلهـا فتنـه بليـس كان يمكن قد قلب نصف إمتنـا مجـوس
|
كن دماث الصدر منها كنيسه او كنيـس صومعة رهبان ديـراً يـؤدون الطقـوس
|
آتقوس مـع تقـوس نواهدهـا وإقيـس قبتين قاب قوسين قوسـاً جنـب قـوس
|
خصرها يحكي لنا واقـع القـوم التعيـس وردفها عن غطرسة بـوش يعطينـا دروس
|
وبالرغم من قصرهـا مايجالسهـا جليـس تصبح أطول نسوة الارض في وضع الجلوس
|
العروسه ماتبي غير ابـو تركـي عريـس العروسه نجد ماهيـب حـي الله عـروس
|
نجد بنت المجد ونسـة مونسـة الونيـس ماعسفها الا معزي ضحى اليوم العبـوس
|
كل اهل نجد هلي من إجاء حتى الخميـس في ذراهم بالتجي عـن مجففـة الرسـوس
|
وعيشتي مابين أسوداً ولـو مانـي رئيـس (خير من كوني رئيساً على شلقة تيـوس)
|
وليس عيباً إن خدعني بمكره كـل هيـس لان مايفهم بمكـر الهيـوس الا الهيـوس
|
مصطفى في مأدبـة عمـه البابـا لويـس كبر اللقمه تحت ضـؤ حمـراء الكـؤوس
|
وطسم حدتها على حائط المبكى جديـس يوم شقت ثوبهـا بنـت عفـار شمـوس
|
سيدة هاك القصـر أسمهـا الاول لميـس دونها سمر الحناجـر بترهـا حـد مـوس
|
قسقسة لاحرارهم.قيس.قيس.قيس.قيـس والبستهم من مهانتهـم انـواع اللبـوس
|
بين خدعة كعب اخيلاً ومولـد ادونيـس درسونـا الالهـه والمـدرس هنـا روس
|
ويش لاقوا من قناة السويس اهل السويس وويش لاقوا من تلمسان قوماً من سنـوس
|
كلهم من شدة الجوع راحـوا خندريـس بين غيبوبة مخدر وصحوة عـرق سـوس
|
ثورة راحـوا سببهـا بتـوع الاتوبيـس وش نبي فيها وهـي ماتهـز الا الغـروس
|
آفة المرء اثنتان الف كاس وحـب كيـس والنفوس اليا بغيت اتعرفهـا ارم الفلـوس
|
ينكشف زيف الشعارات الى حمي الوطيس ترجع الاذناب إذناب وتبقى الـروس روس
|
صدق لاقال العرب مايحوص الا الخسيـس ولايوط الروس شئياً مثل ضعف النفـوس
|
الرئيسية 
أحدث الصور 
الثلاثاء أبريل 01, 2008 12:27 pm
