وتــــــــلوم .........؟

السلام عــليكم


المــقدمات مــرات تخرب نكهه القصــيده


________ :





وتلـوم عينـي ليـا كثـرت سواكبـهـا
وانا اللي ماشوف في عينـي سـواك بهـا

وان كنت ياعين خلك .. طحت من عيني ؟
بشيل عينـي .. وأركبهـا .. واراك بهـا

إرتـاح فـي عيـن خلـك يـا معذبنـي
وانثر همومك ( هنا ).. وإحذف عناكبهـا

من يبذل الجهـد يجنـي بالرضـا جهـده
لاتحسـب ان الخيـوط أعيـت عناكبهـا

كتايب الود تزحـف لـك وتزحـف بـك
ومسيـرة الشـوق تسعـى لـك مواكبهـا

برحل مع الركب .. وانـا داري ب داري
تبقى الفـرس جامحـه .. إلا ؟؟ لراكبهـا

هواك نسمـه ؟ وصـدك يلفـظ انفاسـي
وانت الحياه اللـي آتنفـس هـواك ابهـا

هويـتـك بلمـحـة للعـيـن عـفـويـه
معذور لامـن هـوا منهـو هـواك بهـا

وبحق مـا آمنـت بـه العـرب .. إنـي
من قـوم .. للـذل .. ماترخـي مناكبهـا

ماغلا من الروح حاجه عند أبن آدم
واذا تبي الروح ؟ من عاشقك ! جاك بها

ماقلتها : لجل ابالـغ ؟ او غـرض ثانـي
لكـنّ مـا اقيسهـا إلا مـن غـلاك بهـا

زينك وطولك .. وضحكاتـك .. وكلماتـك
كم تصرع العين .. حتى لا حراك بهـا !

شاعرك من صورتك .. ينساب تصويـره
وقصيدتـه فيـك حابكهـا وحـاك بـهـا

احلى حروف الغزل .. واسمـى معانيّـه
وأعمق بحور الشعر ، وأصعب مراكبهـا

مشاعـري معـك مظلـومـه ومنكـوبـه
إليـا متـى وانـت ظالمـهـا وناكبـهـا



وسلامــــتــكم .......

صح لسانك


القصيد حيل حيل اعجبتني

واكثر ما اعجبني فيها القافيه (سواكبـهـا, سـواك بهـا , واراك بهـا, غـلاك بهـا )


مشكور نسيتك
احسنت الاختيار

صــح بــدنج


ومــشكــوره عـــلى الــمرور ...